英式廣東話

最近在面子書上看到一則有關廣東詞匯的分享， 發現這個我從小就說到大的熟悉方言，原來很多「盞鬼」的字眼，竟然是源自英文的諧音，在此轉載讓大家了解其箇中的奧妙之處。


 1. 唱錢：Change（貨幣找換）當要使用另一個國家的貨幣，便要去找換店「唱錢」，「唱啲美金」、「唱啲英磅」、「唱啲人民幣」，「唱錢」來自英文「Change」。 例句：「下個禮拜去倫敦旅行，而家趁英磅平，唱定啲錢先！」 

2. 符碌：Fluke（棒球術語：僥倖擊中）「符碌」指不靠實際能力，幸運地達成目標、純粹僥倖彩數。「符碌」來自英文「Fluke」，是但馬虎，隨便求其，但又能幸運地完成艱鉅任務。 例句：「臨尾一Q，俾佢符符碌碌咁打埋個黑柴入尾袋添！」 

3. 老粒：Rob（搶劫）90年代初，流行講「老粒」，即是搶劫。「老粒」並非指一粒很老的東西，「老粒」來自英文「Rob」。例句：「咪郁！老粒呀！快啲攞哂啲錢出嚟，唔係一刀捅瓜你！」

4. 蝦碌：Hard Luck（惡運倒霉）蝦碌泛指拍電影時的NG片段，所謂「蝦碌鏡頭」，現實生活裏，蝦碌指忙中有錯，掛萬漏一，失之交臂。「蝦碌」來自英文「Hard Luck」，行衰運所以蝦碌！ 例句：「唔好意思，一時蝦碌，將你個master file delete咗！你要重新再打過呀！」 

5. 花臣：Fashion（新款式）80年代，一講到「花臣」，就是指新的gimmick（噱頭）。即是「新招數、新花款、新點子」，「花臣」來自英文「Fashion」。 例句：「哼！黔驢技窮！睇你仲有乜嘢新花臣吖？！」 

6. 薯嘜：Schmuck（笨人）讚人叻仔就話佢smart，但係彈人蠢鈍就叫佢「薯嘜」！薯嘜並非源於「蕃薯的嘜頭」，「薯嘜」來自英文「Schmuck」，除了形容愚笨之外，也可應用在老土的衣著上。 例句：「嘩！乜你仲著「大地牌」冷衫？咁薯嘜架！」 

7. 仆街：Poor guy（粗劣的人）「仆街」經常被人誤以為是「動詞」：咀咒對方「仆喺條街度！」其實「仆街」是名詞，來自英文的「Poor guy」。「Poor」不是「貧窮」的意思，而是「粗劣、低俗、破爛」的意思。 例句：「呢條友連80歲啊婆沖涼都裝！正一仆街！」 

8. 蛇quare：Scare（驚嚇、恐懼）「蛇quare」形容人「騰雞，無膽，大驚少怪」，「蛇quare」來自英文「Scare」。 例句：「你唔好咁蛇quare啦！乜都自己嚇自己一餐！」

 9. 疴畢甩：疴blood（疴血）如果遇上麻煩、辣手難題、或者死路一條，就會自嘆一句：「呢一鑊真係疴畢甩！」「畢甩」來自英文「blood」，在腸癌橫行的今天，「疴血」都咪話唔大鑊！ 例句：「吓？你架Civic仔撞爛人哋架法拉利？你今次真係疴畢甩！」 

10. 派頭：Pride（自豪、威風）70年代，流行講「派頭」這個形容詞，即是「講派場、有威勢、夠舖張」的正面稱讚。「派頭」來自英文「Pride」。 例句：「佢哋結婚，飛去法國古堡舉行婚禮，仲包埋所有親友機票食宿，真係夠哂派頭！」 

11. 茄呢啡：Carefree（臨時演員）這些演員不需太注重。 12. 泊：Park汽車泊車的「泊」字，來自Parking中的「Park」。

 13. 索：Sharp（明艷奪目）「條女好索！」＝「條女好Sharp！」 

14. 發蹄騰：Frightened（好驚）

 15. 四萬：Smile（E起棚牙）。例句：四萬咁嘅口 （笑容燦爛）

 16. 有D啤：Depressed（無心機，唔做野）

 17. 唔駛頻能：Panic（唔駛忙亂）

 18. 爆格：Burgary（入屋盗竊）

 19. 喊到飛呢發辣：Fully Flates（喊得好凄凉）

 20. 唔信我丙你：Punch（信唔信我打你）

21. 好多拗叫：Argue（好多爭執）

 22. 好木獨：Moody（無心機，唔出聲）


後記：
語言和生活環境息息相關，港式粵語在英殖民政府的統治下，產生了許多生動有趣的音譯詞彙，這是無可厚非的演化過程。就如馬來西亞的廣東話也參雜了不少由馬來話演變而成的詞語，例如：馬打(Mata = 警察)、鐳(Duit = 錢)、滅查啦(Bicara = 審訊)、牙裸(Gaduh = 吵架)、鬆媽(Semua = 全部)等，令人莞爾不已。